倚靠神

呢排有好多事要做，但係無時間做，所以心情煩躁！自己諗極都無時間同精神去做，所以幾慌張！但係就因為咁樣我先可以學交托嘅功課！我同神講你知我要做咩做咩，但係我無時間同精神去做，你幫我安排，加我力量去完成！於是，我放輕心情去面對要做嘅事。終於神俾我處理所有嘅事！再一次證明凡事倚靠神就可以輕鬆解決！

每年今日

每年今日我嘅心情都好爭扎！我諗有幾多人會記得今日咩日子?如果我以為會記得嘅人卻無表示，係咪代表佢哋唔記得？點解佢哋唔記得呢？同我唔熟？唔重視我？我唔想去估，更唔想去計較！我唔想用一個日子而去衡量與人嘅交情，甚至去衡量自己嘅價值！唉！不過我仲未做到！
但係我好多謝記得今日日子嘅人，你哋對我嘅祝賀真係帶俾我好溫暖嘅感覺！特別老公嘅心思， 雖然有控制唔到嘅意外令我有不快，但係我係好開心你全心全意為我整日慶祝的！真係好 sweet!