女女病了

女女病了! 她上星期五開始發燒又發得高，我真係有啲驚!好在之後都慢慢好返!不過佢就一定要跟我，攪到我好累! 今日到我開始作病，喉嚨唔舒服兼頭痛。但我寧願我病好過女女病!見佢病得辛苦個樣真係心痛!仲有佢病個陣容易扭計，攪到我好煩!但係呢啲時候就係要我學習體恤同有耐性及堅守底線!幸好我有個好老公，佢樂意照顧女女同幫手做家務，令我有力量支持落去!求神保守女女早日完全康復，比我和老公有愛心照顧女女!

甜心mango cheese cake

最近好少寫Blog，並唔係因為我無嘢分享，相反係有好多內心爭扎同心意更生想同大家分享。但係要用文字表達真係唔知點寫，所以只係選擇有機會嘅時候單對單同人分享。今晚決定要寫Blog，因為個心好甜！今晚我嘅brother-in-law 同sister-in-law親自送來sister-in-law親手做嘅mango cheese cake！我單單一開門見到sister-in-law捧住個cake，我已經勁開心！因為好感動！我 sister-in-law鍾意整甜品而我同sister-in-law mention過我喜歡食cheese cake，真係估唔到佢會親手整兼送外賣！個cheese cake 係好好食！但我覺得佢嘅心意更值得我回味!