放低自己

我曾經同老公講我對做MC，做戲好有passion，不過做嘅機會唔多。老公話不於試諗吓點樣可以將呢啲passion用响事奉上面。我話唔容易喎，然後我就無特別去諗！相信都因為呢個passion，而令我之前好難放低DJ嘅身份。之前重有可能會幫手做remote，但係原來同一日已經有church function，所以今日都好掙扎咁turn down 咗幫手做remote。雖然我無諗住為神而放棄做自己喜歡嘅事，但係就因為將自己嘅喜好放低，神就可以用我！神要我响呢個church function做MC同領詩！當我唔能夠放低自己，我就唔可以fully比神用，只有當我放低自己，我就有位置空間比神用我嘅passion事奉佢！感謝神用我去事奉佢同服事弟兄姊妹！求神加力同賜智慧比我完成佢嘅事工，叫人睇見神嘅榮耀！

放低

幾個月前都有想過要將佢放低，但係知道係因為一時之氣，所以並無意氣用事！不過到咗呢個時候，為咗個女，為咗將來，終於都要放低！本來以為會好依依不捨，但原來又唔係真係咁唔捨得，或者我覺得既然之前都有準備要放低，放低都只係遲早嘅事！天下無不散之宴席，可以有十年嘅時間做過自己喜歡嘅事情又得到別人嘅肯定，已經好難得！或者呢個只係一個暫別，但都想講聲：「洛洛，再見！」

面對囡囡成長改變時

前兩個星期因為要預備囡囡返pre-school，所以請兩個星期假陪佢。囡囡返pre-school對佢同我都係好大轉變！佢要適應新環境，接觸新嘅人，對佢係好大挑戰而令佢會更加attach to 我。我就要將我返工嘅時間更改，放假嘅「自由時間」縮短，所以都有啲stress。但係stress level 比我想像中少，希望可以維持落去！我發覺當囡囡一日一日長大，佢就會面對不同嘅改變。而我面對佢嘅成長同改變時，對我都會有一定嘅衝擊，挑起我孩童時嘅傷痕！我可以做嘅就係留意有什麼傷痕被挑起，然後比自己grief and lost，避免react to囡囡令佢無辜受害，「禍延下一代」！

FB

我對任何有關電腦嘅嘢都有種抗拒感，所以除咗基本常用嘅電腦技術之外，其他我都無心兼無力裝載！我最討厭當我用關咗一個application之後，突然有「新發展」，就响毫無選擇之下要「棄舊用新」！真係有種不被尊重嘅感覺！最過份係我根本唔覺佢嘅新比舊有咩好！又或者我對佢嘅舊無咩不滿，而佢嘅新同我又無關係！真係好想知做new FB個人為咩要做new FB？點解佢唔比人揀要新定舊？佢有無諗吓其他人嘅感受？無端端「改」人哋嘅嘢係好intrusive？！佢真係要好好反省吓！我就要好「open」咁重新認識我嘅FB，唉！

囡囡attachment

呢排囡囡比較attach to 我，連去daycare都會臨出門口扭計要我陪佢响屋企。突然會不停叫「媽媽，媽媽」，tug her in都會咁叫！Last night臨瞓前突然講「我要hug媽媽！」，然後hug我。依家返preschool都會話「媽媽抱我，媽媽陪我玩！」臨瞓前要睇我刷牙，洗面，擦cream之後比老公同佢刷牙！今朝仲要扭我同佢刷牙，洗面，換衫！平時都係老公同佢做！雖然我有時會覺得佢今樣好煩，但係我會好珍惜佢呢個attitude，因為呢個係佢鍾意同我一齊嘅表現，真係好sweet！我更提醒自己唔好因為自己心情唔好，覺得佢好煩而hurt佢或者reject佢，因為我知咁做會嚴重傷害佢同我哋嘅關係！

囡囡上preschool

囡囡好快要上preschool了!我相信比佢重stress!要預備好佢返學嘅需要，又要prep佢心情適應新環境同轉變，真係好stress!咁快佢就要開始讀書生涯，無得再過寫意嘅生活，我都覺得慘!相信係自己嘅童年陰影，經歷讀書真係辛苦嘅過程，所以到囡囡要開始讀書，心中總有種壓力！希望囡囡可以讀得開心寫意，繼續過佢happy life!