神與我同行

今日揸車嘅時候，睇見雨後嘅陽光，突然令我感到神同我講話：「孩子，妳這段日子只看見陰雲滿佈嘅壓力，卻睇唔見佢背後有我在其中！我掌管一切，凡事都有我在保守，只要妳定睛看著暴風雨後的我，妳就唔會覺得無助乏力！」我嘅眼淚就隨隨嘅流下，因為我睇唔見神，所以靠自己力撐下去。但神卻提醒我，佢一直與我同行，帶領著我，只要我看得見祂，一切都能輕易而過！

掃墓

由細到大我對掃墓都有一種唔明白嘅感覺：如果我掛念一個已逝嘅人，我係用心去掛，去思念，回憶彼此的點點滴滴，唔需要搵日去佢嘅墓「同佢見面」。如果我同佢無建立任何感情，單有血緣關係或親戚關係，甚至有啲見到未見過，我去拜佢，有咩意思？燒香燒元寶同燒銀子一樣，燒完就無，不過係在世嘅人做啲嘢等自己好過啲，覺得對先人敬孝！人在世嘅時候唔去珍惜，好好對待，到佢死後做足一切儀式都係多餘！其實都係做比人睇，同等自己個心好過啲！後人要服恃個墓到有好多嘢做，對佢哋都係一種負擔！所以我已經同老公講，我死之後唔好同我整墓，將我火化，骨灰可以散落海或者放响屋，晒張我生前嘅靚相派比我嘅親戚朋友做紀念就得！我老公話佢無問題，怕我亞爸亞媽唔贊成，所以我話我要整定DVD交代我嘅身後事，免煩！ha！