你ok嗎

BB，你响媽媽肚裏十二個星期，你ok嗎？媽媽上星期同今日睇見你，見到你個心卜卜跳，手仔郁郁郁，好得意呀！醫生話你有個cyst响頸度，我知道一定令你唔舒服。呢個cyst可能會令你天生有問題，可能會令媽媽失去你，呢種種可能雖然令媽媽心痛，擔心，落淚，但係媽媽要你知道，無論發生咩事，爸爸媽媽同姐姐都會好愛你，我哋唔會放棄你！或者我哋要走嘅路會好長好難行，但我哋會一齊拖住手，响天父嘅拖帶下走過！無論將來點樣，你都係天父賜比我同爸爸嘅兒女，你同姐姐一樣係我哋嘅寶貝！你係天父所做所愛嘅，假如媽媽今生無緣面對面看見你，無緣在世上照顧你，我知道將來我必定在天上與你一起！BB，同媽媽一齊hang in there！

被雪困住的聖誕節

因為被雪困住，今個聖誕節多是係留响屋企。但內心卻無覺得悶，因為多數時間同囡囡、老公玩，亦收到弟兄姊妹嘅禱告同問候，令我感動同溫暖！聖誕節係記念耶穌基督嘅誕生同佢嘅大愛，今個聖誕天父透過囡囡、老公、弟兄姊妹讓我看到佢對我嘅安慰同大愛，洗我可以有平安嘅心面對挑戰同歡喜地過渡聖誕節。

又一挑戰

年尾將近以為一切都已安定可以安心過年，卻原來還有更大考驗在我前面！心中當然有難過和擔心，眼淚亦流過，但正因為之前的經歷，令我知道天父同樣的會保守我渡過這個難關！剛剛看到自己寫的下期文章有以下的感想：「世上我能掌握的事情其實少之又少，唯有仰賴神才能有把握走過生命的每一步，跨過每一個障礙！求神在新一年讓我更能信靠祂，順服祂，成全祂在我身上的旨意！」這就是天父要我在來年第一樣要仰賴祂，信靠祂，順服祂，成全祂在我身上的旨意的事！