過了一關

呢幾日等amnio test fast report真係好驚，個腦想著最好同最壞嘅消息，prep定自己會有咩反應。今日下晝電話响，睇到個caller ID知道係醫院打嚟，個心竟然比想像中平靜。當聽到對方同我講BB無四種最常見嘅chromosome problems，我真係鬆一口氣！正於對方所講：「It's a good news!」我知道呢個係天父保守使BB過了一關！前面重有其他關口要面對，我求天父繼續保守帶領，使我哋能安然渡過！

囡囡半夜醒咗

一直以來囡囡瞓到半夜醒咗會大嗌：「媽咪！」，然後我就過去佢房同佢瞓！通常佢會跟住叫「Piglet！」，因為佢發覺隻piglet唔响佢隻手度！昨晚已prep佢叫佢半夜醒咗叫：「Daddy！」因為mommy sick要休息唔可以同佢瞓。佢瞓到半夜醒咗先叫：「Piglet，Piglet！」然後叫：「Daddy！」。跟住老公過去同佢瞓！我醒咗好難再瞓著，點知囡囡同老公話要聽音樂，佢就開Sleeping Baby音樂。我從個monitor聽到音樂就好快瞓著！今日見到囡囡第一件事就係話佢叻，記得mommy sick無叫mommy而叫daddy陪佢瞓！但我無問佢點解先叫Piglet後叫daddy！我怕佢話我掛住piglet咯！ha!

Thank you 老公

自從照完ultrasound發現BB有abnormal嘅跡象，我嘅情緒都係up & down！當然老公心情也有影響，但佢都盡量make me feel better 亦比我express my feelings！我知道佢都好攰，又要返工，又要請假陪我睇醫生，重要take more time去take care囡囡，重有事奉！但佢都可以保持情緒將各方面做到最好，我真係好感恩神賜我有一個咁好嘅老公！Thank you 老公！I love you！

I miss 囡囡 very much

因為今日要做amino test，所以早幾日已經prep定囡囡，話佢知媽媽sick要睇醫生然後要休息幾日，所以呢幾日唔可以抱佢或者同佢瞓。而家老公um佢瞓，聽到囡囡話：「我要mommy同我瞓！我要mommy同我瞓！」我個心都好唔捨得！um佢瞓其實係同佢最close嘅時間，我哋會玩一陣，又會kiss kiss，佢又會同我講I love you！佢會捉住我隻手，然後慢慢瞓著，好sweet!而家佢重同老公講：「我要mommy！我要mommy！」我希望呢兩日rest完無事可以陪佢玩，同佢瞓！I miss 囡囡very much！

Amnio Test之後

BB，媽媽今日做amnio test見到你大個咗，你好乖比nurse抽amnio fluid！當我望住你要做一個invasive test嘅時候，心有點痛！擔心唔知個結果係點，心有點怕！但係當我諗起剛剛响崇拜所唱嘅詩歌，當中講到天父：「好像牧羊人餵養小羊，救主將他們召聚在一起，親自引領看顧，親自引領看顧。懷抱著他們在胸前，小心保護，小心保護，小心保護屬於祂的小羔羊。」媽媽就不期然流下眼淚！因為媽媽知道天父再一次提醒我，BB，你都係天父嘅小羊，佢會保護你！媽媽同你要走嘅路重有好長，我哋要一齊hang in there！

做 Amnio Test

一陣就要去做amnio test！我從來都好怕做test，我怕做得唔好。但係今個test係完全响我控制範圍以外，我只可以完全將佢交托比天父，無論結果係點，都深信一切有天父嘅美意！BB，個test可能會令你唔舒服，或者會嚇倒你，但唔洗驚，媽媽同你一齊呀！你可能都感到媽媽嘅emotional，但係你唔需要absorb媽媽嘅emotional，媽媽會deal with it！你只好好响媽媽個肚裏，舒舒服服等待the right time to come out就得啦！

好難溝通

同人溝通我最怕係人哋問我意見同時其實佢自己已經有一個答案。當我講完之後，佢會用唔同方法再問去令我用佢嘅意見或者方法！如果呢啲係原則性嘅問題，我唔介意花時間大家討論，但如果係少事一件，我情願佢一早講佢心個句，我唔會say no，亦唔會介意佢之前無問我意見！但係又要問我意見好似尊重我，但卻一早決定要行佢個套，我就真係好忟！生命短暫，時間保貴，唔好徙我時間同令我死多幾個細胞呀！唔該！