家家有本難念的經

「家家有本難念的經」如果本經係自己屋企嗰本都可能可以做啲嘢，等本經易讀啲。但係如果本經唔係自己屋企嗰本，係你上兩代之間嗰本就真難攪！身為輔導員，我明白佢哋千絲萬縷嘅恩怨從何而來；身為佢哋個女同個孫，我知道佢哋而家有意無意傷害對方。我知道逃避係好消極嘅方法，但係亦唔到我可以積極去化解佢哋嘅問題，因為我相信我末必會有好結果！唯有用「事不關己，己不勞心」，聽完佢哋嘅爭鬧就「左耳入，右耳出」，千祈唔好上心兼上身！唔係就我又傷心又傷身，重要傷及肚裏面人個悅悅就唔好啦！

幾多歲可以自己做啲咩事

最近老公同個女講幾多歲可以自己做啲咩事，於是囡囡會突然話： Ten可以自己沖涼，可以自己過馬路；Eighteen可以自己揸車返工。昨日老公講多兩樣囡囡可以幾時自己做嘅事，於是囡囡而家會突然話： Ten可以自己沖涼，可以自己過馬路；Eighteen可以自己揸車返工；Twenty-seven可以結婚，然後佢會問eighteen唔可以結婚嘅?但係佢就無講Thirty可以生BB。但係同佢講Twenty-seven可以結婚，Thirty可以生BB，佢都會笑到咔咔聲！唔知係咪女仔都對結婚有憧憬？對生仔無咁大興趣！

Sasa學跳舞

Sasa今年有第一個Spring Break，亦响呢個Spring Break上咗第一個興趣班:Dancing Class！上咗五日學咗Ballet,Jazz 同Tap。今日有十五分鐘performance，睇佢都好enjoy同interested！最開心係佢無因為見到我同Daddy同其他家長而怕羞或者鬧情緒！

Sasa嘅Geographic Concept

對Sasa嚟講有好多地方係「屬於」佢或者佢嘅親人或者某個地方！因為佢經常去或者嗰個親人同佢去第一次或者去完嚟個地方就多數去嗰個地方！
Sasa: 我要去婆婆間Mcdonald! (Lansdowne mall對面嗰間)
Sasa: 我要去媽媽間Mcdonald! (Ironwood mall嗰間)
Sasa: 我嗰個Lansdowne! (公公婆婆經常同去佢)
Sasa: 我要去church嗰間食!(梅園)