鬧情緒

呢排好多時情緒起伏好大，心情時好時壞。自己知發生咩事，就係要處理以往嘅事！但係過程係複雜嘅，思緒係混亂嘅！响呢啲情況之下最遭殃嘅係我老公！佢要硬食我啲脾氣兼唔知自己係咪做錯嘢同唔知點氹我！但佢EQ真係好高，可以唔向我發脾氣，只係靜觀其變，待我處理好自己情緒然後向他解釋發生咩事，佢再同我講幾句佢嘅感受佢就無事！好多時我都會諗，如果我係佢我真係無佢咁高EQ，一定炒硬兼可能分手收場！所以每次鬧完情緒後，我都會深深感受老公對我嘅痛錫同不離不棄！