工作有意義

今日counseling嘅時候，突然覺得能夠作為counselor去幫人deal with 佢哋嘅grief and loss，係一件好有意義嘅工作！因為可以令佢哋覺得有人明白佢哋心底嘅傷痛，令佢哋可以feel safe咁釋放內心嘅悲痛！當佢哋放開呢啲積壓嘅情緒，佢哋就能夠放鬆，有空間同能力去處理問題。甚至就算問題本身無變，但係佢哋情緒上，思想上都變得可以承受呢個問題同正面咁面對問題！能夠明白人哋嘅傷痛，同佢一齊行，幫佢釋放內心積壓嘅情緒，令佢有力咁行佢人生嘅路，令佢心靈得醫治！Thanks God for helping me in dealing with my clients and thru Him and with Him, their hurts can be healed!

辭工

因為人事變動帶嚟嘅影響，早排成日諗係咪要辭工，甚至曾經肯定自己係要辭工！但一直心裡都無平安嘅心去決定辭工。今日我發現原來係自己心態影響多過人事變動嘅關係！只要較正心態，保持原來簡單嘅要求，不追名逐利，一切順其自然，我就可以有返以前個種「不聞世事，自得其樂」嘅心態去享受自己嘅工作！感謝主幫我控制自己唔貿然咁去辭工，否則我一定好後悔！

Conflict of Interest

最近知道有朋友情緒出現一些問題，作為輔導員當然比較容易明白佢哋嘅情緒，但亦同樣知道佢哋嘅問題唔係傾吓計就可以解決，甚至藥物亦唔可以對佢哋有大幫助。本來提議佢哋見心理醫生或者輔導員並唔難，但係就因為自己係輔導員又跟心理醫生工作，咁就怕比人覺得hard sell或者ask for business，唯有好間接提出甚至唔提，免得對方誤會傷感情！自己真係有struggle，我曾經同人講因為avoid conflict of interest，就唔同人講輔導可以幫到佢，真係好似親手推佢落火坑！唯有學習祈禱求神幫助佢哋解決問題！

簡單純真

囡囡鍾意玩balloon，早排會叫我買balloon比佢！我同佢講佢乖就會買比佢。當佢知道有新balloon，佢就要自己吹balloon，當然唔成功，就叫我吹比佢。見佢玩個balloon咁開心，我都好happy！佢咁易滿足又投入，真係希望佢可以永遠保持呢份簡單純真嘅心！但係自己跟身邊嘅人卻好多都失去咗呢份簡單純真嘅心！換來係好多不滿、好多比較、好多埋怨...等等。我哋真係要向小朋友學習有一個簡單知足嘅心！

Jesus loves me

囡囡開心嘅時候會唱歌，佢鍾意唱邊首歌係一輪輪，最新hit song係「Jesus loves me」！我好開心聽佢唱呢首歌，因為係佢從聽CD學到嘅！佢嘅VCD或者坐車聽CD大多數係Bible songs，因為我同老公都想佢從小就認識耶穌，聽Bible songs係其中一個好方法！今晚佢坐車嘅時候又大開金口，我同老公講我好開心聽佢唱呢首歌，因為係佢認識神嘅一個foundation！我仲同佢唱唔同versions：「Yes,mommmy loves me, yes, mommy loves me, yes, mommy loves me, 'cause mommy tells me so」(可以唱daddy， 公公，婆‧婆，嫲嫲，叔叔，嬸嬸‧‧‧)佢仲會問仲有邊個？然後將佢識得嘅人唱出嚟！包括佢自己！So cute and so sweet！
P.S.我細聲同老公話怕佢大個唱rap响度yo yo yo，囡囡即刻pick up 度就yo yo yo，仲叫我同老公yo yo yo！真抵死！

Keep Promise

最近囡囡識出爾反爾，所以我就同佢講做人要keep promise，如果佢唔keep promise，我同爸爸都唔會對佢keep promise！佢好快就記得呢個道理，因為當佢扭計又想出爾反爾，我都未開口再提佢要keep promise，佢自己已經講「要keep promise」。其實我哋大人都要經常提醒自己要keep promise，唔好順口開河，因為會好hurt 人！對神更要keep promise，唔好用promise利用神得好處！

求主使用我

睇到教會需要，睇到弟兄姊妹需要，心裡有感動去為佢哋事奉。知道要付出唔少，要實行亦唔係容易，求神開路比我睇見自己可以為佢哋做幾多，靠神大能令我有愛心，有力量擺上自己去造就教會，造就弟兄姊妹，造就自己！求主使用我！

放手

心裡總諗住要唔要放手，如果要嘅話又係咩原因令自己咁唔捨得？如果唔放手繼續落去又會有咩好處？求神比我平安嘅心去作決定，然後順住條路義無反顧咁向前行！

弟兄姊妹見證

呢排睇到好多弟兄姊妹遇到唔少困難，但係佢哋仍然對神忠心，倚靠神去面對佢哋嘅問題！神亦用唔同方法去處理佢哋嘅困難，令問題解決亦令他們睇見神嘅保守帶領！等侯係唔容易，但等侯神嘅時間係絕對值得，因為佢會為我哋開出一條光明嘅路洗我哋踏上之後更同佢親近！弟兄姊妹嘅經歷同見證，鼓勵同教導我遇上咩事最緊要捉緊神，等佢帶住行上佢所為我安排嘅路！

杯麵

今晚有姊妹為我送上幾個杯麵，真係好感動！只係有次想買杯麵又想試吓新口味就問姊妹邊隻杯麵好味，姊妹話佢唔食杯麵，估唔到佢見有杯麵減價就買比我！有人將自己嘅需要或說話咁上心，真係好sweet！Thanks 姊妹！

Agape Coffee

姊妹嘅coffee shop終於開將做生意真替她高興！從裝修到食物同飲品嘅選擇跟package，可以feel到姊妹好有heart去做！知道佢遇上重重困難，經歷不少壓力，先可以開到舖，真佩服佢嘅毅力！希望佢嘅coffee shop不單可以比人享受好味嘅coffee，亦可以向人彰顯神嘅愛！

情緒起伏的時候

近來發現身體有不少小毛病，令我知道在這陣子自己真的遇到不少經歷使情緒起起伏伏，引致身體響起警號，提醒我要留意自己的情緒反應，是什麼引起這些情緒反應，這些情緒背後又是帶著什麼意思。但就跟一般人一樣，因著生活上有各種事情要面對和處理，根本沒有一個空間可以讓自己停下來去思想所發生的事情對自己有什麼情緒影響和給自己治療這些傷痛。有時候事情發生在自己身上，有時候事情發生在親朋好友身上，有時候事情發生在陌生人身上，但統統都正接或間接挑起我的感覺也引起我不同的思想。
其實自己都希望可以騰出時間和空間去處理這些感覺和思想，無奈真的不容易做到！最簡單的方法是與人傾訴分享，但要找一個“知音人”並不容易。有空聽我的又未必會明白我的感受，反會加重我的壓力；明白我感受的又未必會有空聽我的，不想加重別人的負擔！我雖有寫Blog的習慣，但當要寫一些較沉重的題目時，真的要有很大力氣才能寫出，所以很多時候都只是在心中寫了罷！
感謝神！在適當的時候，祂讓我有機會去處理自己的情緒問題！問題當然並非一下子統統解決了。但祂使我有勇氣和信心去處理餘下的問題！祂亦使我知道祂是我隨時的聆聽者！求主憐憫我幫助我面對前面的路使我有信心和平安踏上要走的每一步！

手汗的啟示

由細至大我都有一種「特質」很煩擾我的，就是「手汗」。我很容易便會出手汗，甚至可以出到整隻手全濕。通常當我緊張的時候，手心便會冒汗，很快雙手全濕，真使我尷尬。有時候我也不知道為什麼會突然出手汗，這更令我厭煩！
我記得小時候寫字是由右至左，因手汗的原故，我整邊手會有黑鉛筆印，連寫的字都被汗水化開了！測驗和考試更要拿手巾抹手汗，真痳煩！學彈琴，練琴，考琴更會把琴鍵弄得濕濕的，真難為老師和考官要沾上我的手汗！
工作上有時要與人握手或用手接觸對方，出手汗便會令我感到十分不好意思。曾經多次想辦法解決這問題，但醫生告訴我手汗是沒有得醫，最多是打「食肉菌」當我只好接手汗伴我一世的時候，卻發現有方法可以解決這問題。手汗的成因是因為有恐懼、焦慮這些情緒存留在「身體記憶」之中，只要將這些情緒釋放出來，便可令手汗大大減少。
神創造人真的很奇妙！其實有很多問題透過我們的「身體記憶」是可以尋找出問題的根源，亦可通過我們身體去處理我們的傷痛。求神幫助我們有勇氣打開我們的「身體記憶」系統處理被我們壓抑的情緒，使我們得醫治，令我們能帶著「輕省」的身體負神的軛，走神的路。