買鞋

買鞋對我嚟講並唔容易，因為我幾揀擇，啱款未必啱價錢，啱價錢未必啱款，所以幾難買到！但係當我兩樣都啱嘅時候，我又好易買錯！知道買錯係當我買完之後著嘅時候先發覺行得唔舒服、太緊、“卡”腳‧‧‧等等。今日著個對鞋就係其中一對買錯嘅鞋！我相信係因為當我睇上咗對鞋，心理上好想買，於是循例試試就買。今日想買鞋，同樣行好耐之後先有睇啱心水，但就無我size，一係大一個size，一係細一個size。以前我肯定買咗，今次我學識唔好咁implusive同emotional，要rational多喲，唔係就遲早要忍痛丟棄對鞋！因為今日對腳著“錯鞋”，今晚我就忍心將幾對買錯嘅鞋預備捐出去！做善事我心甘情願，但係買錯嘢waste money and hurt my feet就“身心受損”！