扭計

最近多機會單獨同囡囡一齊，所以多咗獨自面對佢扭計大喊嘅時候。我發覺當唔知囡囡為咩大喊嘅時候係最炆，但其實佢知我唔知佢喊咩佢重炆同慘！我相信佢如果可以講佢為咩喊，一定會講。可能係一路喊一路講，但一定想人知佢想點。就因為佢唔識講，我又唔知佢想點，佢只可以咁樣去表示佢嘅感受。我而家會响呢種情況下唔出聲，心中或出聲為佢祈禱，等佢發洩完後再呵佢，令佢知道媽媽知佢唔舒服或者唔開心，但會陪佢一齊同一樣咁錫佢！近住佢就會好可愛咁繼續佢『吃喝玩樂』嘅生活！
我相信大人都有時好似BB咁唔知點表達佢嘅唔開心，其他人以為佢哋『扭計』，所以講好多嘢叫佢哋『唔好扭計』，但只會弄巧成拙！因為佢哋好可能只想有人陪佢一齊，等佢發洩完後，呵呵佢就已經足夠。