媽咪買衫

我媽咪十年到唔會買衫，佢嘅“新衫”係著我同家姐嘅舊衫。昨日我哋三母女要去荃灣做嘢，沿途有好多boutiques，我同家姐幫媽咪揀衫然後叫佢買。佢買咗6件衫2條褲就話買夠唔買！真係比佢激死！佢返屋企試衫件件到好啱佢style，好睇！我同佢講下星期我同家姐去旺角“掃貨”叫佢一齊去，佢話唔去，我就話唔緊要，我可以同家姐幫佢“掃貨”。係時候要同媽咪攪返個look，唔好埋沒佢嘅風釆！