睇戲

已經好耐無睇DVD，因為要餵奶嘅原故，我買定DVD等我餵奶時可以睇。我會揀comedy， love story，或者talk show睇，因為可以輕鬆吓，開心吓。如果係較heavy嘅戲，就算知佢係拍得好好，我都未必會去睇。因為我好易會投入落套戲，唔想感覺咁heavy。而且現實生活已經有好多事會令人唔開心，只要睇吓新聞都已經可以令人有不安嘅感覺。太深嘅戲我又唔想花時間去諗，因為現實生活已經有好多事要花精神時間去思考同處理。所以我寧願用啲時間比自己可以有機會笑吓，因為現實生活已經無好多事可以開懷大笑，能夠比自己去開心都可以係一種善待自己嘅方法。